Jen bildstrioj de la brazilano Fernando Gonsales.
Lia ĉefa rolulo estas la rateto Níquel Náusea, Esperante Nikelo Naŭzo, nomo,
kiu estas ŝerco pri alia fama rateto, Mickey Mouse. Krom Nikelo estas aliaj
bestaj roluloj, kiel la ratego Ruter, la blato Fliti kaj aliaj. Homoj ankaŭ
estas en liaj bildstrioj, tamen ĉiam rilatante kun la besta mondo. Fernando diplomiĝis pri biologio kaj bestkuracado kaj laboris provante savi bestojn ĉe konstruata hidroelektra uzino. Li tute turniĝis al laboro pri bildstrio, kiam je 1986 li venkis konkurson pri bildstrio de la ĵurnalo Folha de São Paulo, unu el la plej gravaj brazilaj ĵurnaloj, kie ĝis nun liaj bildstrioj legeblas. Hodiaŭ liaj bildstrioj legeblas en ĉirkaŭ dek aliaj grandaj ĵurnaloj de Brazilo kaj ankaŭ en unu de Portugalio.
Liaj bildstrioj jam ricevis plurajn premiojn kaj pri desegno kaj pri historio. Jam eldoniĝis pluraj libroj nur kun liaj bildstrioj. Jam estas Esperanta ret-paĝo pri Nikelo: http://www.lujz.org/niquel/ kie vi povos legi aliajn bildstriojn.
